SANGAI FESTIVAL 2014

Posted: November 22, 2014 by Zogam Today in Daily ZT News

unnamed (2)

MIPI BITLOU ATA AMA ?

Posted: November 22, 2014 by Zogam Today in Daily ZT News

2014 kumbul lai sang in June ha apat Lamka ah bitna-le-muonna omlou deu abatna chieng om hi. Apaisa June 25, 2014 in Milongmun ah numei khat singnuoimi te’n vuo uhi. Tualeh July 24 in Sielmat gammang lah ah mi 3 shisa a mudoh ahi uhi. Tualeh July 28 in B. Vengnom ah mi khat kaplup in omkia hi. Hun hingpaitou in September 14 in Thingchom buoina zieh a liem khat in shina tuoh hi. A nunung pen ding in November 1 in Sielmat reserve sung ma ah mishi luong khat phoh in a om kia hi. Zenhang Bazar a zudawnna azong mi ana kikaplum ngaita nalai hi. Read the rest of this entry »

CCpur DC FB Status Update

Posted: November 22, 2014 by Zogam Today in Daily ZT News

Pu Lunminthang Haokip IAS, Deputy Commissioner, Churachandpur district in Nov. 21, 2014 ni’a a facebook status update, “Considering all thoughts, I have this nagging impulse to be foolish enough to change (for the better) the LOOK and OUTLOOK of Lamka and CCPur dist. I know it will be an up-hill ordeal of a task. So, all wise people of this educationally advanced Dist are invited to to contribute ideas and means to offer a better CCPur to Gen-Next.”

I district administrator in tam bang ngaisutna a’ng nei pen thupi leh mipite’n ahithei tan a ki thuopi poimaw kasa hi. Khopi leh district khat beautification bawlna ding pen sil beilam hilou ding ahiban ah short term leh long term in khen in planning bawl theilei a ut huai hi.
Short term a ding in Lamka khopi sung lamlien sietna mun teng Christmas ma sang ngeingei in siemphat hithei leh a ut huai hi. Tuaban ah mun chin a niin kipai zing pen awareness nasatah a pibawl a PWD in pan nasahtah a a lah poimaw hi. Lamka khopi ningnoh sah mama khat ahileh lamlien gei a dawr bawlte’n a innmai uh, mipi lampi zawtna ding um lou jen a a van uh a koi thaangte uh etkai in um thei leh a dei huai hi. MGNREGS hing um tunglai a veng sung suhsieng kidemna um pen sun zomm tou thei jellei a dei huai.
Long term a dingin I khopi sung lamlien kelet didan planning bawl thei lei a dei huai mama hi. Road divider bawl in a lai ah singnou suon lei bang chituh in a kilawm diei? Lamka line bus station zong state danga bus station changkangte bang in planning um thei hen la, auto leh a dang dang transportation toh kisai teng zong mun awng, ning noh louna mun ah koi khe thei lei I khopi sung etlawm tuon mama ding in gingtat a huai hi.

ZOGAM TODAY, NOVEMBER 22, 2014

Posted: November 22, 2014 by Zogam Today in Daily ZT News

District apat Sangai Festival a pang dingte’n  joint meeting nei

Lamka, November 21: Churachandpur District ai-aw a November 25, 2014, ni’a Sangai Festival a pang ding Cultural Troupe pang in concern member te’n tuni nitahlam nai 2:00 in DC/CCpur office chamber ah joint meeting nei uhi. Meeting hun ah Lunminthang Haokip, IAS, DC/CCpur lamkai committee member te’n zingchieng, November 22, 2014, suun nai 12:00 a YPA Hall, Hiangtam Lamka a Cultural Troupe leh Artist te’n Rehearsal nei ding leh November 25, 2014, zinglam nai 11:00 tan a Public Ground apat kuon khiet ding chi’n genkhawmna nei uhi.

District ai-aw a Sangai Festival a kuon/pang ding Cultural Troupe 6 (Kom Cultural Dance & Research Centre, Khoirentak Khuman, Hmar Youth Association, Churachandpur, Young Mizo Association, Lamka Branch, Thadou Kuki Cultural Troupe, Zou Sangnaupang (ZSP), Zomi Cultural Society  kuon ding uhi.

Tualeh Festival sung in ICI Central Choir, Benny Khongsai, Muan Hangzou leh Jenith Varte te’n mipi shulimna in laapawl leh lasahna hun zang ding hi.

XXXXXXXXXXXX

DC lamkai in Quami Ekta Week zahna nei

Lamka, November 21: Lunminthang Haokip, IAS, DC/CCpur lamkai DC Office staff te’n tu suun nai 12:00 in BRGF Resource Centre Hall, DC office ah November 19-25, 2014, sung a District headquarter chi’n a kizang ding Quami Ekta “National Integrity Week” zahna nei in pledge simkhietna zong nei uhi.

Quami Ekta Week ahileh India gamsung a teng State 28 apat ham-le-pau tuomtuom 66 zang leh Sakhuo (religions) tuomtuom 22 zui te’n lungkhat leh kituoh tah a hinkhuo aman theina ding deina zieh a kum chi’n (Nov 19-25) sung a kizang gige ahi.

XXXXXXXXXXX

State-level North East Sports Competition kipan

Imphal, November 21: Khuman Lampak Sports Complex, Imphal ah tuni’n ni 3 sung daiding State-level North East Sports Competition kipan hi. Tam kimawlna ahileh Rajiv Gandhi Khel Abhiyan Scheme nuoi a Department of Youth Affairs and Sports in asai ahi. Tam games ah Athletics, Archery, Badminton, Boxing, Judo, Taekwondo, Weightlifting, Karate leh Wushu kimawl ding uhi.

XXXXXXXXXXX

Logos English School in Annual Day-cum-Prize Distribution function nei

Lamka, November 21: Logos English School, B. Aizalon in tuni a school campus ua Annual Day-cum-Prize Distribution function nei ua, Chief Guest in Langkhanpau Guite, Chairman, ADCC leh Functional President in Helen Kipgen, Social Worker pang hi.

Tami hun ah Chief Guest in Gam-le-Nam lamkai ding student-te hinkhuo siam hoina ding Teacher-te khut a kingah ahidan gen in teacher te’n zong student-te hinkhuo siamhoi theina ding a theina leh siamna aneite uh koidap mailou a pholkhe zel ding in theisah hi. Aman agenzelna ah teacher nasepna neu-le-gimhuoi bang nanleh amawpuona lian in  thupi mama chi hi.

Program hun a Chief Guest lamkai Functional President in student-te kung ah prize tuomtuom piakhietna nei hi.

XXXXXXXXXXXX

Dist Administration leh concerned authority te’n Security thu ah meeting nei ding

Lamka, November 21: BRGF Resource Centre Hall, DC office ah ahing tung ding November 26, 2014, suun nai 12:00 in Lunminthang Haokip, IAS, DC/CCpur lamkai District Administration leh concerned authority te’n Security thu ah meeting nei ding uhi. Meeting hun ah District sung a Law & Order hoizawsemna ding toh kisai a check-post leh picket centre koi ding thu pang in thupoimaw tuomtuom genkhawmna zong nei ding uhi. Tuakawmkal ah DC/CCpur leh JAC-Khuga Dam pawl in ahing tung ding November 27, 2014, suun nai 12:00 in DC office Chamber ah joint meeting nei ding uhi.

XXXXXXXXXX

Block & District Level Sports Competition um ding

Lamka, November 21: District Youth Affairs & Sports Office (DYASO), Churachandpur saina November 24-25 & 27-28, 2014, sung in Block & District Level Sports Competition (under 16 Boys & Girls) under RGKA (Rajiv Gandhi Khel Abhiya) 2014-15, um ding hi.

Tami toh kisai a lunglutna nei School, Clubs/Assn. leh Organization apat Athletics, Taekwondo, Volley ball, Football, Judo, Handball, Boxing, Basketball, Hockey, Judo leh Archery apat player te’n DYASO Office, CCpur ah eligibility certificate lathei ding a, zong thuchien kimzawsem kan thei ding hi.

XXXXXXXXXXXXXX

Nationwide Gospel Music Festival Second Motivational Programme  Rengkai ah um ding

Lamka, November 21: Nationwide Gospel Music Festival Second Motivational Programme maban ah Rengkai in zintun ding. Tami toh kisai in houlimna Nov 22 chieng in NGMF Information Centre (Lengtonghoih Recording Studio) ah meeting nei ding ua, tualeh Nov 23, 2014 nitahlam nai 1:00 chieng in tamivaiguon lawching semna ding in NGMF lamaite leh Rengkai Khawsung a hattuom umte apat Youth Department lamkaiten meeting nei kia ding uhi.  Tami vaiguon a lawchin theina ding a thuum mite kung ah thungetna ah phoh tawntung ding in ngetna zong bawl uhi.

XXXXXXXXXXXXX

Songthat Insung Maicham  um ding

Lamka, November 21: “Na kom kahin nei u ve”- Jacob 4:8 chi thupi pansan in A 13veina Songthat Insung Maicham (SIM)  vaiguon November 22-14 sung Songpeh khuo, Churachandpur District ah nei ding uhi.  Tam vaiguon ah Rev. (Rtd) Hemngam, ECA in Maitam siempu hina la ding a, Rev. Thangminlen @ Thangboi M.Th in Thugenna nei ding hi. Tualeh Rev. Satkam K. Thenjang,  B.Th in sangnaupangte lamhilna nei ding hi.

Tami vaiguon ah Dr. Lhunkhohao, Director ACMC Tuibuong in Devotion Service lamkai ding a, November 23, 2014 chieng in Ann ngawl thuumna nei ding uhi.

XXXXXXXXXXX

Non-local-te adi’n ID card bawl ding

Imphal, November 21: Joint Committee on Inner Line Permit System (JCILPS) Manipur in tuni’n Deprivation Day Observation Manipur Press Club ah sai ua tuanah kumpeisa November 18, 1950 ah entry leh exit Permit System Abolition Chief Commissioner Himat Singh in anei thei jingna nei uhi.

Tam hun ah Convenor JCILPS H Ibotombi Khuman in Committee te ngetna govermment apat Inner Line Permit System toh kisai date line tuni tan in dawnna mulou ahi dan gen a, tualeh committee in non-local te ading Identity Card bawl a um ding hin gen a nanleh tam card student, cultural and sports persons, Sangai festival adia khuol jinmite leh government nasemte huomlou ding hi’n gen hi.

Aman agenbena ah kumpeisa 1950 in commission dungjui in permit system lahkhiet ahi apat non-local mite tam deudeu hi’n gen a, tam thu zieh in kumpeisa 1980s apat All Manipur Students Union gen leh sah in ana nei in tualeh  July 4, 2012 in JCILPS saina in civil organisation 35 pangkhawm in kiphinna bawl ahi chi’n gen hi.

XXXXXXXXXXXXXX

Karate national tournament ah naupang kum 2.8 khat pangding

Imphal, November 21: Tiger Martial Art, Bikaner (Rajasthan) saina nuoi a 15th Kamagata Cup All India karate Tournament a pang ding in kum 2 leh ha 8 a upa Manipur karate player Y. Kishan Sing kimanta hi. Ama tam tournament a pang dingte lah a naupang pen ahiding ban ah kum 6 nuoilam category ah pangding hi. Tam tournament ahileh Dayananda Public School, Civil Lines, Bikaner, Rajasthan ah November 28 in kipan ding a, Manipur apat mi 6 kuon ding hi.

XXXXXXXXXXXXXX

Naunei khat shi zieh in hospital buoi

Imphal, November 21:  Palace Gate, Imphal a om Advanced Hospital a naunei nupi khat ashi zieh in buoina pieng dehtah nanleh policete’n a huntah a pan alah man zieh un suhveng in om hi.

Laishram Prabina (21) w/o Romen, Singjamei Makha Liwa Naorem Leikai leh a naungeh piengpan jingkal nai 10.30 in shi uhi. Prabina ahileh naunei ding in nai 5.30 am in admit hi a, hinanleh nai 10 am vel in labour room a puohlut in om pan hi. Doctor in tapa nei ahidan Romen hil a, hinanleh naikal 1 jou in azi a ding sisan poimaw ahidan hil kia hi. Romen in hospital a policete ahing tun phet in a zi leh atapa shita ahidan theipan hi.

XXXXXXXXXXXXXXXXXX

JCILPS lamkaite leh CM kihou

Imphal, November 21: Joint Committee on Inner Line Permit System (JCILP)             lamkaite, Joint Political Partties on Inner Line Permit lehManipur Chief Minister O. Ibobi in jani’n Chief Minister Secretariat ah kihouna nei uhi. Tam kihouna ah Inner line Permit toh kisai a All Political Parties Committee report khu December 10, 2014 masang a solkal a submit ahi ding, imanaw assembly winter session a inner line permit toh kisai bill puohlut ahi ding chite thukim uhi. Tualeh DESAM office a policete gamtatna leh sangnaupangte vuoh-le-sat ahina zong mawpai uhi.

XXXXXXXXXXXXXXX

ZOGAM TODAY, NOVEMBER 21, 2014

Posted: November 22, 2014 by Zogam Today in Daily ZT News

December 1 apat sam tan man Rs. 30 hi ding;

ADCC in dawr license check bawl ding

Lamka, November 20: Langkhanpau Guite, Chairman ADCC lamkai a Office Chamber ah ADC Office Staff leh Churachandpur Barbar Association lamkai te’n tuni nitahlam nai 2:00 in Samtan man khanding leh khanlou ding thu ah joint meeting nei uhi.

Joint meeting hun ah Barber Association in Rs 20 apat Rs 40 a Samtan man khansah ding chi’a proposed abawlte uh genkhawmna nei ua, alang lang in December 1, 2014, apat Samtan man Rs 30, Dye (Hair dye) Rs 30 leh khamul/muhmul met man (shaving) Rs 15 a khansah hiding chi’n thukimna nei uhi.

Tualeh Joint meeting in normal rate in Studentleh Senior Citizen-te Samtan man huomlou a Rs 15 (per head) hiding chi’n bikhietna zong nei uhi. Read the rest of this entry »